خلّ واتساب يبيع عنك

عميلك يفتح واتساب عشرات المرات باليوم، وواتساب هيرو يوصلك له في اللحظة اللي تفرق: يذكّره بسلته المتروكة، يأكد طلبه بالدفع عند الاستلام قبل ما تشحن، ويرجّعه يشتري منك مرة ثانية وثالثة.

النتيجة: سلات أقل تضيع، مرتجعات أقل، وعملاء يرجعون يشترون منك كل شهر، بدل ما تدوّر كل مرة على عميل جديد.

وش يكسب متجرك؟

• ترجع لك السلات المتروكة: تذكير تلقائي في الوقت المناسب، والعميل يكمل طلبه بضغطة.

• مرتجعات أقل: نأكد طلبات الدفع عند الاستلام على واتساب قبل ما تشحن، فما تخسر شحنة على طلب ما راح ينستلم.

• عملاؤك يرجعون يشترون: نعرف مين عميلك المميز ومين بدأ يبعد عنك، ونرسل لكل واحد الرسالة اللي تناسبه قبل ما يروح للمنافس.

• حملات تبيع: أرسل عروضك على واتساب، جدولها مسبقًا، وجرّب نصّين وشوف أيهم يبيع أكثر.

• تقييمات أكثر: نطلب من عميلك يقيّم بعد ما يستلم طلبه.

• كل محادثاتك في مكان واحد: رد على عملائك أنت وفريقك من نفس الشاشة.

كل عميل توصله رسالته

واتساب هيرو يقرأ مشتريات عملائك في سلة ويقسّمهم تلقائيًا:

• عملاؤك المميزين: خلهم أول من يشوف عروضك.

• العملاء النشطين: خلهم قريبين منك بعروض دورية.

• عملاء بدأوا يبعدون: رجّعهم قبل ما يروحون.

• عملاء انقطعوا: حملات ترجعهم تلقائيًا.

طريقتين للربط، اختر اللي يناسبك

• الربط الرسمي عبر واتساب Cloud API من Meta (ننصح فيه): رسايلك تطلع باسم متجرك من حساب أعمال موثّق، بقوالب معتمدة من Meta وثبات أعلى في الإرسال، ونمشي معك خطوة بخطوة في التوثيق.

• الربط السريع عبر QR (طريقة غير رسمية): امسح الكود وابدأ خلال دقايق بدون انتظار موافقة Meta. مناسب للبداية والتجربة، بس حدود الإرسال والثبات فيه أقل لأنه ما يمر عبر Meta الرسمية.

الطريقتين تشغّل نفس الأتمتة، وتقدر تبدأ بـ QR وتنتقل للرسمي متى ما بغيت.

تبدأ في 3 خطوات

1. ثبّت التطبيق على متجرك في سلة.

2. اربط رقمك، إما QR سريع أو الربط الرسمي مع Meta بخطوات واضحة داخل التطبيق.

3. فعّل الرسائل اللي تبيها، وخلّ واتساب هيرو يشتغل عنك.

جرّبه 7 أيام مجانًا، وشوف الفرق في مبيعاتك بنفسك.