في عالم التجارة الإلكترونية، كثير من التجار يتعبون ويدفعون مبالغ كبيرة على الإعلانات عشان يجيبون عملاء... أحيانا تضبط ويجي العميل بس (ما يرجع). مو لأن منتجاتهم سيئة، لكن لأن الخيارات قدام العميل صارت كثيرة تشتته وتخليه يشتري مرة وحدة وما يرجع. تكلفة الاستحواذ على العميل جالسة ترتفع، والمبيعات المكررة تنخفض، والمشكلة صارت تستنزف ميزانية المتاجر.
عشان كذا بنينا "سكاكر".
هدفنا كان نبني أداة ولاء تفهم سيكولوجية المشتري وتخليه يتحمس للطلب الجاي. من أول طلب يطلبه من متجرك، إلى تجميع الأختام، وحتى المفاجأة ببطاقة "اكشط واربح" رقمية تجيه في المناسبات.
بعد دراسة سلوك المشترين في المتاجر، اكتشفنا أن برامج الولاء التقليدية (نقاط جامدة وشروط معقدة) صارت مملة وما تحفز أحد. عشان كذا صممنا سكاكر ليكون تفاعلي وممتع ومؤثر. لو العميل طلب من متجرك، يقدر يجمع أختام أو يرجع له كاش باك نقطي، وإذا حبيت تكافئه، ترسله بطاقة "اكشط واربح" رقمية بخصم أو هدية مخفية تخليه يرجع يطلب وهو متحمس. كل شيء مصمم عشان يربط العميل بعلامتك التجارية ويقلل من تسربه للمنافسين.
معظم عملائنا من التجار زيك، تجار ناجحين، مشغولين، منتجاتهم ممتازة ومتاجرهم مرتبة. بس يهمهم يحافظون على العميل اللي دفعوا عشان يجيبونه بطريقة ذكية تزيد ولاءه، وتحترم وقتهم كأصحاب متاجر بدون إعدادات معقدة تعطل شغلهم.
في متاجر لاحظت زيادة في تكرار الشراء وتفاعل العملاء من أول شهر تفعيل. وفي متاجر أخذت وقت أطول عشان تبني قاعدة عملاء أوفياء، بس الأكيد إنهم وقفوا "النزيف" وخسارة العملاء بعد أول طلب.
"سكاكر" مو بديل عن التسويق أو جودة منتجاتك، نحن أداة إضافية ذكية تمسك العميل اللي تعبت عشانه، وتحوّله من مشتري عابر إلى عميل دائم.
حمل التطبيق وجرّب (فترة تجريبية ٧ أيام)، وشوف كيف تجربة الشراء في متجرك بتفرق !
