مهما كانت فكرتك، تلقى لها عرض يناسبها.
عروض سيليا يجمع لك عروض الكميات والإضافات والأطقم والباقات ومكافآت السلة في تطبيق واحد، داخل صفحة المنتج والسلة.
أنواع العروض
كل عرض بأشكال وتصاميم متعددة، بألوان متجرك ونصوص تكتبها أنت:
عروض الكميات: سعر القطعة ينزل كل ما زادت الكمية، ومعها هدية مجانية لو تبي.
إضافات بخصم: منتجات تختارها مع المنتج بخصم، أو هدية مجانية مع الطلب.
باقة على كيفك: باقة بسعر واحد يختار عميلك قطعها من منتجات أو تصنيف تحدده.
خذها سوا: المنتج مع القطع اللي تناسبه، بسعر واحد وبضغطة وحدة.
خلّها أكبر: اقتراح الحجم الأكبر أو النسخة الأفخم بفرق السعر، وتبديل بضغطة بعد الإضافة للسلة.
اختر لكل قطعة: اختيار مقاس أو لون كل قطعة قبل الإضافة للسلة.
محفّزات الشراء
محفّزات بتصاميم مختلفة تساعد عميلك ياخذ القرار، في كل صفحات منتجاتك حتى اللي ما عليها عرض:
شريط الشحن المجاني: كم باقي ويصير الشحن مجاني، ويتحدّث مع كل إضافة للسلة.
شارة الكمية القليلة: تظهر لما يوصل المخزون للحد اللي تحدده.
شارة الطلبات: كم مرة انطلب المنتج في آخر 24 ساعة أو 7 أيام، بدون أسماء ولا مدن.
شارة بنصك: نص قصير منك على المنتج، مثل يوصلك بكرة.
مكافآت السلة: حل مدروس لصفحة السلة. الشحن المجاني وخصم على الطلب وهدية مجانية في شريط واحد، يظهر بدال صندوق عروض سلة.
ليش عروض سيليا
تصميم يليق بمتجرك: الألوان والخط من ثيمك، وتتبدّل لحالها مع الوضع الداكن، ولو تبي ألوان ثانية تختارها بنفسك. وكل كلمة تظهر لعميلك تعدّلها بالعربي والإنجليزي.
حماية ربحك: تكلفة المنتج من سلة، وربحك في القطعة جنب كل شريحة خصم. وأي خصم ينزّل السعر تحت التكلفة ما يتشغّل لين تصلحه، ولو الربح قليل يوصلك تنبيه والقرار لك.
تقارير لكل عرض: المبيعات والطلبات والإضافات للسلة وخصومات عملائك، لآخر 7 أو 30 أو 90 يوم. كل رقم في بطاقة بخط يومي ومقارنة بالفترة اللي قبلها. ولقياس أدق، تقدر تخفي عروضك كلها عن 10% من زوارك ونقارن إضافاتهم للسلة بالباقين، والفرق يظهر لما تكفي الأرقام، عشان يكون حقيقي مو صدفة.
فرص من طلباتك: منتجات تنطلب مع بعض في متجرك، ومع كل فرصة خصم مقترح يحافظ على ربحك. وبضغطة وحدة يجهز لك عرض إضافات بخصم تراجعه وتشغّله. والفرص تظهر لما يوصل متجرك 30 طلب.
تفاصيل تفرق
معاينة في متجرك: صفحة المنتج الحقيقية بالعرض، قبل ما يظهر لأي عميل.
حفظ كمسودة: العرض يبقى مخفي عن عملائك لين تشغّله، وترجع له متى ما تبي.
حالة كل عرض قدامك: مفعل أو معطل أو مسودة، والتشغيل والإيقاف بضغطة.
تاريخ نهاية وعد تنازلي: الوقت الباقي على نهاية العرض قدام عميلك، وفي وقتها ينتهي العرض.
مين يشوف العرض: الأجهزة كلها أو الجوال أو الكمبيوتر، والدول كلها أو دول تختارها.
تنبيه التعارض: لو فيه عرض ثاني في سلة على نفس المنتج، يوصلك تنبيه قبل التشغيل.
حفظ التصميم: التصميم اللي يعجبك ينطبق على عروضك الثانية من نفس النوع بضغطة.
ولو متجرك على ثيم سيليا، تنضاف لباقتك 10,000 مشاهدة كل شهر لأول 3 شهور.
ثبّت عروض سيليا، اختر أول عرض، شوفه في متجرك، وشغّله.
